Ua faailoa manino e le Peresetene o Ukraine, Volodymyr Zelensky ua sauni e feiloa’i ma le ta’ita’i o Lusia o Vladimir Putin i le vaiaso nei ae le’i leva ona una’ia e Trump, Zelensky ina ia talia le ofo mai le ta’ita’i o Lusia ia faia ni talanoaga i Turkey poo Take mo se filemu.
O le faamatalaga la mai ia Zelensky o le a faatali ane i Turkey mo Putin i le Aso Tofi o le vaiaso nei ma talosia o le a lē sa’ilia foi ni faanoi i lea fonotaga.
Ua ta’ua e le CNN ua maua atu foi fautuaga aga’i ia Putin mai ia Amerika ma Europa ia faauma loa le taua i Ukraine.
O le mau a le ta’ita’i o Siamani, Friedrich Merz ua mae’a tuuina atu se faamatalaga mai le Atu Europa aga’i ia Putin ma e tatau ona usita’ia, a leai o le a faia nisi sā tetele poo sanctions ia i latou.
Ta’ua e Merz e lē mafai ona amataina talanoaga pe a lē tuuina i lalo a’upega.
Puna o Faamatalaga: https://edition.cnn.com/2025/05/10/europe/putin-russia-ukraine-direct-talks-intl-hnk
