Na lavea i se drone se taavale e umia e se ofisa o Malo Aufaatasi a o aga’i atu e asiasia se nofoaga tau niukilia i le aso ananafi ma ua tuua’ia ai e le Peresetene o Ukraine Volodomyr Zelensky le atunuu o Lusia.
Fai mai a o aga’i ane le taavale lea aga’i i le Zaporizhzhia Nuclear Plant na aafia ai le pito i tua o le taavale i se drone ae le’i aafia soifua o nai tagata e to’alua sa iai i tua.
Fai mai Zelensky o Lusia e ana le osofa’iga lea.
E le’i iai se soifua na aafia ae ua faailoa foi e le matagaluega o le puipuiga a Lusia sa faamautinoa e lana vaega’au o loo saogalemu uma le aufaigaluega na malaga atu mo le asia o le nofoaga faaniukilia ae e lei iai sa latou faamatalaga na faia faasaga i le osofa’iga.
O le nofoaga e pei ona ta’ua i le itu i Saute o Ukraine na puleaina lava e Lusia talu mai Mati o le 2022.
Puna o Faamatalaga: https://edition.cnn.com/2024/12/10/europe/drone-attack-iaea-ukraine-russia-intl-latam/index.html
