Fai mai le Palemia i lana maitau i tausaga ua tuanai o mataupu lava lenei e valaau ai le Black Ferns i taimi ua sola ina ia faatutusa le faiga o le latou ‘au ma le aulakapi foi a le itupa o alii.

I tala a le One News i le aso ananafi na saunoa ai le ofisa sili o le lakapi a Niu Sila Mark Robinson o le a vaavaai i se ponesi mo le ‘au siamupini lea a tamaitai a o iai pea lava foi ma finau ina ia faaopoopo resources o mea o loo manaomia e tamaitai mo le taaloga.

Ua faailoa ai foi ma se finagalo o Sir Graham Henry ua alagatatau ona maua se ponesi a le Black Ferns. Fai mai o le 2015 ina ua manumal le All Blacks sa maua le tai 150 afe a le tagata mai le NZR ina ua malo i le ipu o le lalolagi.

Ua faamaonia e le ASB e pei ona ta’ua i lea lipoti, o loo ua faatalanoa nei ma le NZR se ponesi mo le ‘au a tamaitai.