Ua unaia e le faiaoga o le aunetipolo a le Northern Stars le Netball NZ ina ia toe tagai i faiga faavae e faatatau i le faatauina o pepa matamata i le taaloga ina ua fiu nisi o le aumaimoa a le Stars e tau saili ni a latou tickets mo le sailiga siamupini o le ANZ Premiership i le Aso Sa.
O le final i le va o le ‘au mai Aukilani le Mystics ma le Stars o le a faia i le Globox Arena i Hamilton ma ua faailoa i nisi lipoti o le nofoaga e faia ai le taaloga sa faatulaga lava i le amataga o le season ma e foliga sa filifilia e le Netball NZ ia toe sui tulaga ai i le taaloga sa fuafua a le Silver Ferns ma Jamaica e faia ai i’i peitai e lei taunuu i le tausaga talu ai.
Fai mai le faiaoga a le Stars o Kiri Wills o se vaega tele o le latou aulagolago sa fuafua e faimalaga i le taaloga e faailoa le lagolago peitai ua faigata tele ona maua ni tickets i le taaloga.
O le isi itu na ia ta’ua o loo lelei le nofoaga mo le ‘au peitai o le faatauina o pepa matamata ua fai si faigata ona maua ona sa muai mautu le avanoa o le Mystics i le finals i se taimi i luma atu ae faatoa mautinoa le avanoa o le latou ‘au ina ua malo i le Pulse i le Aso Sa.
Fai mai Wills e tatau lava ona faatali se’i faatau faatasi pepa matamata pe a mautu uma ‘au e taaalo i le finals.
