Ua silia ma le 670 le fuainumera faatusatusa o tagata ua maliliu o Papua Niu Kini lea ua oo iai le faitau a Malo Aufaatasi.
O lipoti mai ananafi a o faaauau ona sailia pea le tele o fale o loo tanumia faapea tagata o loo su’e e mafua ina ua solo le palapala lea na tupu i le Aso Faraile.
E oo mai ananafi ua sii i luga i le 150 fale ua lipotia ua tanumia, ma o se faaopoopoga tele mai le 60 na muai lipotia mai.
I nisi o lipoti o loo ta’ua ai le faitau selau o loo masalomia o loo tanumia pea i lalo o le palapala.
E uma ananafi o loo faatalia pea se tala mautinoa mai le malo o Papua Niu Kini pe ave sana talosaga aloaia i atunuu i fafo mo se fesoasoani.
O loo ta’ua mai ai e lē o faigofie le tau eliga o le palapala to’a ona o lea lava e solo ma e lē o faigofie taumafaiga ona o le loloto lea e faapea e oo atu i le 6 i le 8 mita, ae o loo eli lava i lima.
Puna o Faamatalaga: UN estimates more than 670 killed in Papua New Guinea landslide (1news.co.nz)
