E le o toe mamao ona faailoa mai lea e le malo pe faamata e mafai ona toe fau fale i nofoaga na sili ona lamatia i lologa.
O lea ua faasilasila mai e le malo ua toe tolu vaiaso maua mai lea o le atoaga o faamatalaga nei mai kamupani inisiua faapea councils e fai agai iai faaiuga pe toe mafai ona fau ni fale i nofoaga nei na matuai faaleagaina e lologa.
Afai ae toe faaaoga pea o lona uiga o le a vaavaai le malo i ogapaipa tetele e mafai ona mautinoa ai le puipuia mai o aiga pe afai ae toe fau fale fou.
A o faatali ai la, ae ua faailoa e tagata Hawke’s Bay i tala a le leitio a Niu Sila, poo le ā lava le faaiuga a le malo, ae o le mea moni, e pau le tala o loo latou fia faalogo iai o se tali mautinoa.
Ae na saunoa le minisita o loo taitaia galuega toe faaleleia o le afā, Grant Robertson, o lea ua tuu atu i le masina fou le faiga o le faaiuga, ma atonu ua umi tele lea taimi faatalitali mo nisi peitai e tele itu e tatau ona taulai iai le malo a o lei faia sana faaiuga mulimuli.
