I se lipoti lata mai Paris, i le tuuga vaa faila o loo tauva ai le tamaitai Samoa, Vaimooi’a Ripley, e na o le tasi le tuuga na mafai ona faataunuu i le asō, ae na toe tolopo le isi tuuga lona lua seia aulia taeao, ona ua lē malosi le agi a le savili lea e faamoemoe i ai nei ituaiga o tuuga vaa.

O le tamaitai Samoa o Vaimooi’a ma le tamaitai Fiti o Sophia Morgan, e na o laua o loo fai ma sui o lenei itulagi a le Pasefika o loo tauva ai i le tuuga vaa faila i le itupa o tamaitai.

E 6 aso e faasolo ai nei tuuga, ma i le mavae ai o le tuuga e tasi i le aso muamua lenei, ua tulai mai ai le tamaitai Fiti i le tulaga lona 33 ae o le tamaitai o Vaimooi’a o Samoa o loo tulaga lona 42 i le faasologa.