O le fuafuaga a se tasi o kamupani tele e faagaioia supamaketi tetele i Niu Sila, le Foodstuffs ina ia tuufaatasi ona vaega i le North Island ma le South Island, ua lagolagoina e pule o ia faleoloa.
O loo faailoa i le lipoti se faamatalaga mai le Ofisa Sili, Chris Quin o se tulaga lelei lenei ae o loo faatalia pea se ioega mai le Commerce Commission ma le Faamasinoga Maualuga.
Fai mai a ia e tāua tele le iai o se tulaga e malamalama lelei ai le kamupani ma ona sui i le mataupu lenei ma o loo vaavaai i se faiga e vave ai ma sili atu ona lelei le auaunaga tuufaatasi.
Ua ta’ua i le lipoti o le silia ma le 500 o faleoloa a le Foodstuffs i le atunuu e umia uma i Niu Sila ma o se tulaga lelei tele foi lea.
Puna o Faamatalaga: https://www.1news.co.nz/2024/06/05/foodstuffs-grocers-vote-to-merge-its-two-co-ops
