Ua feta’ua’ina i lipoti i le asō le upuia e nisi o le faiga faaiuga a le Yachting NZ (Vaafailā) lana ‘au mo le Olimipeka, fai mai na mafua ona o se tasi ua filifilia i le auvaa a le atunuu mo taaloga ia i Pale e ui e lei ausia tulaga e tatau ona faamalieina ina ia filifilia ai.
O Jo Aleh ma Molly Meech na faailoa mai i le ‘au ua filifilia ma ta’ua o i laua ia e aupito tele le silafia ma le tomai i le taaloga peitai i faamatalaga mai le lipoti a le RNZ ua faailoa ai a fua i faamaumauga a le Yachting NZ, e lē tatau ona agavaa i laua ia mo lea filifiliga ona e lei ausia se la tulaga i le 10 pito i luga i se tasi o tuuga sa tatau ona fua iai faiga filifiliga.
O le faaiuga na filifilia ai le toalua lea ua saini ai foi ma le komiti o le Olimipeka a Niu Sila ma o loo tau fai finau mai ma le Yachting NZ o loo sa’o le faaiuga ua faia.
Puna o Faamatalaga: https://www.rnz.co.nz/news/in-depth/517985/allegations-of-bias-inconsistency-in-olympics-yachting-selections
