Faaitiitia e le Palemia, Christopher Luxon tupe faaalu i taavale a minisita lea e totogi i tupe a tagata totogi lafoga, ae e lē o aafia ai le Palemia i lea suiga ona e na te lē o faaaogāina.

O se tasi lea o suiga o loo sau i le lisi o tupe faasao a le malo e lē gata la i minisita ae o matagaluega eseese.

O lea sa faagata mai i le $85,000 peitai ua tuu mai i lalo i le $70,000, ma i lipoti a le Herald o loo ta’ua ai e lē o faaaogāina e le Palemia lenei faamanuiaga e ui e agavaa ai.

Ua sau ai foi ma le faatonuga i matagaluega uma e sauni e faaitiitia tupe faaalu i le 6.5% poo le 7.5%, ma e aofia ai foi ma le matagaluega a le Palemia ma le Kapeneta.

Ua manino mai ai foi e moomia le faasao mai o le $400 miliona mai tagata nei ua ta’ua o consultants ma contractors, ma pe ā ma le kuata le aofai o i latou o lea ua faailoa mai e le malo e tatau ona o.