Ole aso ua fuafua e tuuina atu ai I luma o le kapeneta se tulaga ua oo iai le mataupu I Ihumatao ina ua maua ni faamatalaga I le aso I le lipoti a le RNZ lea e faapea o le a faatau atu ele Fletcher Building le fanua I le malo.
E ui la afai ae faatino lea tulaga o le a aveesea mai ai le kamupani mai le mataupu, ae e tele se galuega o loo fia faia pea aua e tatau foi ona faamautu ma faia se faaiuga pe faapefea ona taunuu le malo ma le mana whenua ise maliega faaiu e faatatau ile fanua.
O taumafaiga a faipule o le Leipa ina ia maua se fesoasoani mai le Kapeneta sa poloka ile taimi ua sola e le pati sa soofaatasi le NZ First. Pe a nei ma le 18 masina talu ona faia feutanaiga ma solo tetee I le mataupu lea sa o ane ai tagata e tetee ile fanua lea ina ua tuuina atu ni tusi ia I latou sa nonofo I le fanua ina ia agai ese, ma faailoa ai fuafuaga a le Fletcher Building e fausia I luga fale e 480. Ole Ihumatao o loo I le pitonuu o Magele sosoo male Otuataua Stonefields Historic Research.
Sa faia ai se faamatalaga a le palemia ise taimi ua sola o le a leai se fale e faia I Ihumatao sei vagana ua soalaupule e le malo ma isi pati o loo aofia se maliega. E toatele la o loo tulimataia leisi laasaga o le a oo iai le mataupu lea I le aso aemaise o se finagalo mai le kapeneta. Ole masina o Setema o le tausaga talu ai na faailoa ai e le Tupu Maoli Kiingi Tuheitia mo le mana whenua ua iai se maliega e faatatau I le Ihumatao , mae o le latou mau e pei ona lipotia I le newshub e mananao e toe tuuina atu le fanua
