O le faamoemoe o nisi o tamaitai Pasefika e faamuamua nisi nai lo latou ua afua ai se tasi o taumafaiga o feagai ma le tamaitai fomai o Dr Letava Tafunai ma lana ‘au ua faalauiloa ai nei ma se campaign e unaia ai le faia o siaki ma tuipuipui.

O Dr Tafunai o le faufautua sinia a le Well South, o se tofiga fou faatoa ono nei masina.

O se vaega o lana auaunaga o le faamautinoa lea o loo ofoina le tausiga i nofoaga e mafai ona oo iai ma faigofie foi ona maua e tamaitai Pasefika. 

O le faiga faapaaga a le Well South ma le Southern Pacific Provider Trust faapea le Te Whatu Ora Southern ma talimalo ai latou i le Pink Breakfast i Invercargill i le vaiaso nei.

Na faailoa e Tafunai i le Stuff o le isi vaega na talosaga ai komiuniti a le Pasefika o le mafai lea ona faia ni a latou fesili i se nofoaga e lagona ai e latou le mafanafana.

O le taumafataga ti la sa faia na aofia ai ma ni tautalaga e faatatau i le siakiina o tamaitai.