O se suesuega fou mo le toto e ono fesoasoani i le gasegase o le kanesa o le susu, e ono faalauiloa i se taimi e le o toe mamao i Ausetalia.
O faamatalaga lea o se lipoti ua faailoa i le Alaaata 9 i le aso ua faailoa ai e i latou o loo galulue i lenei faamoemoe o le screening tool lea e ono fesoasoani tele i le vave ona iloa o le kanesa o le susu.
E tasi mai le fitu o tamaitai Ausetalia e iai lamatiaga mai le kanesa o le susu ma o le vave ona iloa o lea gasegase o le ki foi lea i se vaifofo.
Na pau isi togafitiga o loo faia mo tamaitai e aafia i le gasegase lea, o le siaki e ta’ua o le mammogram e masani ona faatino i tamaitai ua silia ma le tai 40 tausaga o le soifua, peitai afai ae sologa lelei le isi ituaiga siaki e pei ona faailoa i le asaō e le taumate o le a fesoasoani tele lea i le vave ona iloa ma togafitia o se tagata e aafia i lea kanesa.
O lona faatinoina e tui le toto o le tagata ona faaaogā lea o se polokalame o le software programme e sailia ai pe aafia i le kanesa o le susu pe leai foi.
O loo faatalia la pe o le a taliaina aloaia lea ituaiga suesuega i Ausetalia.
