E toatele tagata ausetalia o loo tulimataia le tulaga o iai le faaitu o Florida i Amerika lea o loo aafia nei i le afa malosi o Ian. Mafua ona toatele le au taumulimuli i lipoti ia o le afa ona o le toatele o nai o latou aiga o loo aumau i lea faaitu o le lalolagi aemaise foi nisi sa agai mo fuafuga a aiga ae o loo iai pea i Florida i le taimi nei.
Ua vaaia i luga o televise ma upega tafailagi le tulaga malosi ole afa ma le tele o mea ua faaleagaina aemaise lava le malosi o le siitia o le sami ua lolovaia ai le tele o faaitu oFlorida. O loo faatalitalia seia tau feololo aafiaga o le siomaga i le afa ona asia lea o nisi o vaega ua lolovaia ona o popolega ini soifua ua ono aafia i lenei faalavelave faalenatura
