O loo tulimataia e le New Zealand Food Safety mea faamanogi meaai Initia lea ua sau lipoti e ono maua ai i le kanesa.
O mea faamanogi meaai nei o loo gaosia e le MDH ma le Everest, ma o lea ua taofia lē tumau i Hong Kong lona toe faatauina e tusa ma lipoti a le BBC ona o le popolega i le ethylene oxide.
O le aso 5 o Aperila lea na toe valaau ai e Hong Kong le faafoi atu o oloa nei, ae lua vaiaso mulimuli ane ae toe valaau e Singapore le pepa fish curry o loo gaosia e le Everest.
Ua lipotia e le BBC o lea o loo tulimataia foi e le Food and Drug Administration a Amerika.
I se molimau a le Primary Industries i Niu Sila i tala a le leitio a Niu Sila, ona o lea o loo faatauina foi mea faamanogi meaai nei a le MDH ma le Everest i totonu o Niu Sila, o lea ua o latou tulimataia ai foi.
Puna o Faamatalaga: NZ food safety agency monitoring Indian spice mix recalls | RNZ News
