Na agai faatopetope ese le Faamasino Sili, o Loia ma i latou uma sa i totonu o le potu faamasino a le faamasinoga maualuga ona o se mū na tulai mai i fafo ane o le potu faamasino i le aoauli nei.
I ripotia a le Talamua Online na taua ai o se alii inisinia (IT) na muamua sosogiina le manogi mū ma ia faailoa i le Resitala na faailoa atu i le Faamasino Sili, na vave taofia galuega ma tolopō ai mataupu ae faanatinati i fafo mo le saogalemu.
O se tagata mai le lautele o le atunuu na i totonu o le fale faamasino na mua’i faatino galuega fesoasoani e ala i le faaaoga ai o le fire extinguisher e tapē ai le afi lea o loo masalomia na mafua mai i ni uaea o le palaka o le potu faamasino.
Ua tolopo nei le tele o mataupu ae sei faia suesuega i lea faalavelave na tulai mai
