O le aso na tulai ai i le faamasinoga maualuga i Aukilani Pauline Cullen ma tautino ai i le faaoolima ia Andre Wickliffe lea sa taumafai e fesoasoani ane ise vevesi a tamaitai e toalua i luma o se faleoloa i Glen Eden.
Faaalia i ripoti e faapea o Wickliffe 65 tausaga le matua e masani lava ona agai i le nofoaga o le mall i Glen Eden ma ole aso lea na tupu ai le faalavelave sa taumafai ai e taofi le vevesi i le va o le ua molia ma seisi tamaitai peitai na faaiu ane ua afaina ai ina ua faaoolima iai le ua molia ma ave ai i e falemai, ona e fai si tele o manuaga.
Na togafitia i le falemai ae maliu i le 11 o aso talu ona maea le vevesi.
O le ua molia ua faaleaogaina nei lona faamasinoga sa fuafua mo le tausaga fou aua o lea ua ia ioeina ona moliaga.
