O le aso e tulai ai I luma o le faamasinoga mo tupulaga talavou I Kalaiesetete le alii na ia faaoomanua I se tasi o leoleo na taumafai e faafilemu le vevesi I lea aiga
O le afiafi o le Aso Toonai na oo ane ai ripoti I le ofisa o leoleo I se alii o loo faaleagaina meatotino, ma na muai taunuu iai le leoleo e toatasi peitai ina ua faatetele o lea na toe solomuli ai ae valaau isi leoleo mo se fesoasoani
Peitai o le taunuu atu o isi sui o le ofisa na talanoa ai le ua molia ma leoleo sa I totonu o le taavale, ma o i tonu lea na ia tatuiina mai ai loa le leoleo mai fafo ao I lalo le faamalama o le taavale
O le aso e faia ai le taotoga o le leoleo ua faamanualia, ae mo le alii talavou ua molia, o loo tuuaia nei I le faaoomanua faaaoga ai se auupega atoa ai ma le taufaamatau e faaoo le oti I se tasi
