E tulaga ese o le faaupuga lea ua faamatala ai e le minisita o Grant Robertson le iuga o le tausinioga i le Ipu o le Lalolagi le FIFA Football Womens World Cup lea o loo talimalo ai Niu Sila ma Ausetalia.
Fai mai Robertson ua silia ma le 700 afe tagata na auai i ia taaloga e 29 i vaega eseese o le atunuu nei ma le faitau afe na ofo fua ane o latou taimi e fesoasoani i le faataunuuina o lenei faamoemoe.
Ta’ua foi e Robertson ua silia ma le 20 afe tagata asiasi mai faavaomalo i totonu o Niu Sila ma e tatau ona faaauau ai pea le inivesi o Niu Sila i taaloga faapea aemaise o lona siomaga.
Ua lipotia le tau faaata mai e Ausetalia o sana ofo mo le taamilosaga a le FIFA mo le Ipu o le Lalolagi i le itupa o alii i le 2034.
