Ua iai tagata ua aveesea mai o latou fale i le aso mai Aukilani mo lo latou saogalemu ona o le tetele o timuga ua aafia ai le tele o vaega i tafega.
Faamaonia mai e le vaega a le tineimu ma fesoasoani faavavave e silia male 150 valaau mo se fesoasoani na faatau ane aemaise lava o fesoasoani I fale ua lolovaia uma ma nisi ua poloka I totonu o taavale.
O loo iai lapataiga mo timuga mamafa mo Aukilani, le Coromandel Peninsular ma le Great Barrier Island seia oo I le ta o le fa I le afiafi nei.
O vaega aupito i aafia o le itu I sisifo o le aai ma isi vaega o North Shore. Ua tapunia le magaala autu i Kumeu ua faapei se vaitafe I le mamafa o timuga.
Fautuaina avetaavale ma le au fai taavale ua tapunia le State Highway 16 lea e ui atu I Kumeu ma ua fautuaina le faaeteete I luga o alatetele.
Ua faailoa mai e le Auckland Emergency Management e ao ona silafia e tagata afai e faatonuina e agai ese mai ma maota ona ua i se tulaga lamatia mai uiga louloua o le tau, e ao ona usitaia e ui o loo iai I le vavao poo le tapu mae mafai lava ona faaaoga pea talifofoga mo puipuiga.
O loo iai nofoaga o loo avanoa mo e manaomia i maota o le Auckland Council ile numera 6 Henderson Valley Road.
