O le polokalame ua fai faatasi a le malo o Saina ma Samoa e aga’i tonu i le siitia o le atina’e o faato’aga, le Samoa-China Agriculture Technical Aid Programme poo le SCATAP, ua telē lona sao i le faasoa mai ai o fesoasoani e lē gata o oloa tau faato’aga, ae ua aumai ai ma tagata mai Saina e iai tomai i le faaaogāina o auala eseese e faaleleia ai le ola o laau tau faato’aga.
O lea foi na tufatufa fesoasoani mai lea polokalame i le vaiaso nei ma ua faamanuiaina ai nisi o le au fai faato’aga a le atunuu, faapea ma le matāgaluega o faato’aga ma faigafaiva.
O se vaega o le saunoaga a le afioga i le Minisita o Faato’aga ma Faigafaiva le afioga Niuava Eti Malolo, i le tauaaoina o le fesoasoani mai le malo o Saina auā le atina’e o faato’aga i Samoa.
