Ua aloa’ia nei le filifilia o le Palemia o Tonga o Aisake Eke e le tupu o Tonga, Tupou VI.

O Aisake sa manumālō i le faigapalota faalilolilo sa faia i le aso 24 o Tesema ina ua faamavae le Palemia sa iai o le atunuu Siaosi Sovaleni Haukavameiliku.

E iai nisi faamatalaga salatua sa alia’e i le mae’a o lea faigapalota ma ta’ua ai o le faatuai i le faatūina o se faigamalo e mafua mai i le auai ai o le Tupu o Tonga i lea mataupu.

Na ta’ua e nisi o le aufaasalalau mai Tonga e foliga e tele atu le sao o le Tupu Tonga i le faiga faai’uga o le filifiliga o minisita ma sui o le malo.

Peitai o le asō la lea ua faamautū ai le filifilia o le Palemia fou ma ua fuafua o le a filifilia le Kapeneta fou i se taimi e lē o toe mamao.

Puna o Faamatalaga: https://www.rnz.co.nz/international/pacific-news/539609/tonga-pm-officially-appointed