21 aso lea ua tuuavanoa atu ai I leoleo e le I faia tui ma afai ae uma ane lea piriota e leai lava o lona uiga ua leai ni galuega
O lea ua aloaia le poloaiga o loo faamalosia ai leoleo ua tatau ona uma tui muamua
O le 10,510 o leoleo mai le 14,000 o loo lavea uma I lalo o lea poloaiga, ma I lea kulupu e tusa ma le 98.38% leoleo ua uma ona faia tui muamua
Ripotia e le Stuff le tusi ua tuuina atu nei I leoleo e le I faia tui muamua ma o lea foi ua malolo ae o loo maua pea totogi
O I latou nei e le o faatagaina ona laeiina toniga pe ulufale foi I ofisa ma feoai I taavale leoleo
O le 21 aso ua taua o le piriota mo faatalanoaga ma e uma lea I le aso 7 o Fepuari, ma oo atu I lea aso e leai lava se suiga o lona uiga o le a tuli loa ma galuega I le aso 7 o Mati
