E manatu le alii faiaoga o le ‘au a le atunuu le Manu Samoa, Seilala Mapusua, afai ae tumau pea le ‘au i le ituaiga taaalo o loo manaomia ona taaalo ai, le taalo a le Manu Samoa, e lototele o le a mafai ona tali atu i le malosi o Argentina.
E tolu suiga ua faia e le alii faiaoga i lana ‘au ua sauni atu mo Argentina, o alii taaalo o Paul Alo Emile ma Brian Alainuuese lea ua faaaofia ane i le ‘au atoa ai ma le alii o Ben Lam i le uigi taumatau.
Ua lipotia foi le faasee ane o Charlie Faumuina i le faaleoleo.
O le ‘au atoa e pei ona faailoa mai e aofia ai Duncan Pa’iaaua, Ben Lam, Ulupano Junior Seuteni, Tumua Manu, Nigel Ah Wong, Christian Lealiifano, Jonathan Taumateine, Steven Luatua, Fritz Lee, Theo McFarland, Brian Alainuuese, Chris Vui o le isi kapeteni, Paul Alo Emile, Seilala Lam ma James Lay.
O faaleoleo, Sama Malolo, Charlie Faumuina, Michael Alaalatoa o le isi kapeteni, Alai Dangelo Leuila ma Danny Toala.
O taeao le fetauiga lea o le lona lua ai o taaloga a le Manu i le Ipu o le Lalolagi o loo faagasolo.
