Ua uma le ola o se pepe tama i le mae’a o le lua aso talu ona tupu le faalavelave tau taavale na maliu ai lona tina i le itu i Matu o Brisbane.

Na ta’ua mai e le 9News o le taavale na feto’ai ma se laau i Caboolture River Rd i Upper Caboolture i le aoauli o le Aso Faraile talu ai, o loo ta’ua o le tamaitai sa aveina le taavale na maliu ai i lea nofoaga ae o si ana tama e na o le 3 masina na faavave atu i le falemai o tamaiti i Kuiniselani i se tulaga tigaina.

Peitai la o le lipoti lata mai a leoleo ua faamaonia ai ua uma le ola o si pepe.

E leai nisi taavale na aofia ai i lenei faalavelave ma o loo faaauau le suesuega a leoleo.

Puna o Faamatalaga: https://www.9news.com.au/national/caboolture-crash-baby-dies-after-crash-that-killed-female-driver-north-of-brisbane/9ed9ae94-d346-48ab-a5db-4b80f57b1059