Ua le taunuu siaki na faapea e faia i soo se taimi i tafāala ona e le toe maua masini faapitoa e faia ai.
O random roadside drug testing nei e faaaoga ai le faua o se tasi, o vaega na faamoemoe iai le Road to Zero poo le poloketi na taulai e faaitiitia ai i le 40% tagata maliliu ma manunua ona o le avetaavale faasuaava.
O le po anapo na faamautinoa mai ai e le minisita lagolago o feoaiga Kiritapu Allan e le o toe maua masini sa faapea e faaaoga ma o lea ua toe tuu ai.
O le Aso Toonai o le vaiaso fou lea na faapea e amata ai siaki nei.
Ae o se faamatalaga mai leoleo e le faapea o le a taofia ai le faaauau pea o siaki e faia i tafāala ma o lea o loo toe vaavaai i se isi faiga a o lei toe tuuina atu se isi fautuaga i minisita, ae mo le taimi nei o le a faaauau pea siaki masani.
