Ua le taunuu le malaga mo Ausetalia e momoli ai tagata faigaluega i lea atunuu ae ua toe tolo atu i le faaiuga o le masina nei.
O le Aso Lulu o le vaiaso nei na faatulaga e faia ai lea malaga togipau e ave ai tagata faigaluega faavaitaimi ae o lea ua faailoa e le Ofisa Sili o le Matagaluega o Pisinisi Alamanuia ma Leipa susuga Pulotu Lyndon Chu Ling i se faasalalauga faalauaitele.
O loo iai le fuafuaga e logo uma i latou na faatulaga mo lea faigamalaga i se aso tonu e faataunuu ai pe a oo ina feiloai i se fono e tapena ai nisi o fuafuaga o loo manuia e pei o pepa kilia o suesuega faafomai.
O le Aso Lua o le vaiaso nei na tuua ai e tagata faigaluega faavaitaimi mo Niu Sila le atunuu aua sailiga manuia i ia atunuu tetele.
