O le taaloga sa fuafua mo le aso toonai nei ile taamilosaga o le Super Rugby Pacific ile va o le Hurricanes ma le Moana Pasefika ua tolopoina nei ona ua lipotia ua oo atu le koviti 19 ile togalauapiga a le Hurricanes.
O se pepa o faamatalaga ua tuuina mai ai lea faamatalaga pei ona lipotia ile RNZ. Mo le Moana Pasefika faatoa tasi le taaloga na faia ile vaiaso talu ai ma le Crusaders ao lea foi ua toe tolopo le taaloga lea ae fai mai le ofisa o le Moana Pasefika, Pelenato Sakalia ile lipoti lea, e fai si faigata ole feagai ma le koviti ma e taua tele le faataua o le soifua maloloina o tama taaalo o le au a le Hurricanes ma o le faaiuga ua faia ua talafeagai ma le faamoemoe ia vave ona toe faafoisia le malosi I e ua aafia.
Fai mai Chris Lendrum o le Pule sili o le NZ Rugby, e ui I le fetuunaiga ua iai nei mo au e lua ae o se tulaga lelei mo le Moana Pasefika ona ua toeititi faamautuina le toe fetuunaiga o isi ana taaloga e lua sa misia mai le amataga o le taamilosaga lea sa fuafua e taalo ai ma le Blues ma le Chiefs ma o loo iai foi le faamoemoe o le a mafai ona toe faatulaga ma le taaloga lea ma le au le Hurricanes ise taimi mulimuli ane.
