O le feiloa’iga ma le Komesina o faigāpalota i le faai’uga o le vaiaso ua mavae na faailoa ai, o le faai’uga a le Kapeneta ua tolopō ai le palota laitiiti a Safata 1 e faavae i le finagalo e faatali se’i mae’a le tagi tau palota a le itumalo o Falealili 1 lea o loo i luma o le faamasinoga e le’i mae’a ona su’esu’eina.
O le Aso Tofi ua mavae na faailoa ai e le ofisa o le komisi o faigāpalota le tolo i se isi aso o lea fuafuaga ona o se faai’uga a le Kapeneta, i le mae’a ona faasalalau i le amataga o le vaiaso lava ua mavae o aso e faatino ai le faigā filifiliga a lea itumalo.
Le afioga Toleafoa Tuiafelolo Alexander John Stanley i le feiloa’iga ma tusitala na faailoa ai māfua’aga o le tolopō o le palota laitiiti a Safata 1.
