Ua tofia nei le minisita o tupe Grant Robertson e avea ma minisita fou o le Cyclone Recovery.
O lona tofiga o le a ia taitaia ai le komiti a le Kapeneta e faia faaiuga e faatatau i le toe faatulai mai o aai ma nuu ua faaleagaina.
Ua saunoa manino le Palemia Chris Hipkins o le toe faatulai mai ona o aafiaga o le afā o Gabrielle o le a ave iai le taulai a le malo i masina a sau.
Na ta’ua foi i saunoaga a le Palemia le naunautaiga o le malo ia galulue faapaga ma pisinisi faapea le komiuniti lautele.
Ae i saunoga a le minisita fou mo mea faaleleia o le afā ma na sau ai foi i le mae’a o lana asiasiga i Hawke’s Bay i le Aso Sa, e ese mai i le tele o miliona na faailoa mai mo pisinisi faapea auala tele, o lea o loo vaavaai nei foi i wage subsidies poo fesoasoani mo totogi o tagata mafatia.
