Ua toe valaau e le Wallabies le alii o Kurtley Beale i lana au mo le fetauaiga i taaloga e lua o le Bledisloe Cup e fetaui ai ma le All Blacks.
Ua suitulaga Beale ia Rory Arnold o loo tuatuagia ma e atoa ai ia Beale le toatolu o tama o le au o loo faamautu i atunuu i fafo, o le isi toalua o Marika Koroibete ma Berard Foley.
O le faiaoga o Dave Rennie o loo mataitu foi e le au tapuai sana gaioiga e faia i tama taalo o Taniela Tupou, Noah Lolesio ma Hunter Paisami sa maitauina na aafia i manuaga i le taaloga talu ai.
O Beale la ua 95 ana taaloga faavaomalo, ma talu ai nei sa aafia i manuaga mai le taaloga ma Farani i le tausaga lava lenei.
O le fetauiga muamua a le Wallabies ma le All Blacks o le aso 15 o le masina nei i Marvel Stadium i Melepone ma le isi fetauiga lona lua e faia i Eden Park Aukilani i le aso 24 o le masina nei lava.
