O le mataupu e faasaga i lē sa avea ma failautusi o le Iuni o tagata faigaluega, le CFMEU ma lona atalii o loo taofia mo le taimi nei a o faatalia ai se faai’uga mai le Faamasinoga Maualuga i le mataupu a le Iuni ma le Leipa.
O Darren Greenfield ma lona atalii o Michael sa avea ma failautusi o le Iuni ma le sui failautusi ua tuua’ia i le taliaina o bribes poo ni mea na tuuina ane mai se tasi o kamupani faufale ina ua faaauau iai faai’uga na faia i konekarate a le Iuni.
O ia tuua’iga na amata mai i le 2018.
Na valaauina le mataupu lea i le faamasinoga i Sini i le aso ananafi peitai sa toe talosaga le la loia e tolopo se’ia tuuina ane le faai’uga mai le Faamasinoga Maualuga e faatatau i le mataupu na ave ai e le Iuni le faigamalo i le faamasinoga ona o le faai’uga e faamuta ona o nisi tuua’iga e iai sootaga o le Iuni ia i latou e fuafuaina soligatulafono atoa ai ma tuua’iga o amioga lē sa’o.
E silia ma le 200 sui o le Iuni na faamuta e le Loia Sili a latou auaunaga ina ua fai le faai’uga a le faigamalo e taofia le pulega lea ona o mataupu o loo aofia ai.
Puna o Faamatalaga: https://www.9news.com.au/national/cfmeu-corruption-case-stalls-after-high-court-challenge/eb16c58d-c21a-4c52-972f-29f41c36c6ca
