O fuafuaga mo le toe fetuunaiga o le otaota toe faaaogā, recycling ua toe tolopo ona ua fai si maualuga tele o le tau mo nisi o Councils poo pulega a aai laiti.
Fai mai le RNZ o Fepuari lea sa fuafua e amata ai ia suiga o le a mafai ai e tagata ona tuuina uma le tele o otaota ia latou recycling bins, faataitaiga o pepa, tioata ma plastics.
O le toe fetuunaiga lea o le otaota sa muai folafola e le faigamalo a le Leipa i le tausaga talu ai.
O se faamatalaga mai le matagaluega o le siosiomaga ua ta’ua ai o le standardised recycling o lona uiga o le a faaopoopo le tele o le otaota e toe faaaogā i tausaga taitasi ae mo isi Councils o le suia o nofoaga mo le faatinoina o lea auaunaga o se galuega tele.
