Ua toe tatala tuaoi faavaomalo o le atunuu o Fiti ile maea ai o le silia male 18 masina o tapunia.Amata I le aso o tagata ua maea ona faia tui puipui e aofia ai sui o malo, tagata Fiti e toe foi atu ile atunuu, tagata e iai pemita ma I latou e faatagaina e le Mitigation task force ole a faataga ona ulufale ile atunuu.
Fai mai le palemia Frank Bainimarama o tagata tulisi ua maea ona faia tui puipui mai atunuu e pei o Niu Sila, Ausetalia, Peretania ma Amerika e mafai ona ulufale I Fiti amata atu I le aso muamua o Tesema. Fai mai le palemia ua toe faatulaga foi tulaga o nofoaga faanofoesea aua malaga mai fafo. E aofia ai ma nai avanoa itiiti e faanofoesea ai I aiga ao faataitai lea foi faiga.
