O lea ua toe tapena le isi malaga a le minisita o le va i fafo a Niu Sila, Winston Peters i le Pasefika.
O le aso a taeao lea e tuua ai e le minisita Niu Sila e faamoemoe mo Marshall Islands, Federated States of Micronesia faapea Palau.
Sa saunoa Peters o loo tele lana taulai i le Pasefika ma e tāua tele ia te ia le tele o lona taimi i le Pasefika.
O le toe malaga ai i le vaiaso nei o le faalima ai lea ona malaga Peters i le Pasefika ma o lea foi ua uma ona ia asia le 14 o le 17 atunuu o le Pacific Islands Forum.
O le faigamalaga ua tapena e fetaui ma le usuia o le fonotaga a le Pacific Islands Forum i Fiti ma o lea foi o le a auai ai Peters.
Ae mo le atunuu o Palau lea faato’ā asia e se sui mai Niu Sila mo le uluai taimi, o le a faamanatu ai foi ma le 30 tausaga o mafutaga vavalalata ma Niu Sila.
O le tuuvaa ese atu ai a taeao o Peters e faato’ā toe taliu mai i le vaiaso fou ma o le a malaga faatasi ma Jenny Salesa o le Labour, sui o le Green, Teanau Tuiono faapea le sui o le matagaluega o le va i fafo a Niu Sila.
Puna o Faamatalaga: Peters heading back to the Pacific (pmn.co.nz)
