Ua ripotia mai le toe auina atu ai o le taitai o le Ituagai o le taitai foi lea o le Vaega faaupufai e Puipuia Aiā Tatau o Tagata le HRPP le susugaTuilaepa Lupesoliai Sailele Malielegaoi i le falemai tele i Motootua.
I ripoti a le Newsline Samoa na taua ai o le po anapo na toe auina atu ai le susuga Tuilaepa i le falemai. E pei ona silafia o le 4 vaiaso talu ai na taofia ai foi Tuilaepa i le maualuga ma le malosi o le fiva ma na toe tea i tua ina ua malosi mai togafitiga a fomai.
O loo iai foi ripoti o le faaiuga o le vaiaso nei o loo fuafua e malaga atu ai le taitai o le Ituagai i Niu Sila mo siaki faafomai.
