Ua toe solomuli le Auckland Transport i suiga na fai mai ai e na o pasi e faataga ona feoai i lanes na faia faapitoa i Karangahape Road.

O Novema o le tausaga talu ai na faia ai e le pulega lanes e lua e mo na o pasi feoai e faataga ai ma e lei mapu ai le tetee a le asosi o pisinisi i lea vaega o le taulaga ma faaauau ai pea talanoaga.

Mai lea taimi e oo mai i le taimi nei o lea ua sui le mafaufau o le Auckland Transport ma fai mai o lea o le a toe faataga soo se taavale e faaaogāina lanes nei i faaiuga o vaiaso faapea ai ma taimi o le taeao i aso o le vaiaso, ma e na o le ta o le 3 i le afiafi agai i le 7 i le afiafi i totonu o aso o le vaiaso o le a faapitoa ai lava na o pasi.

O se suiga ua toe faia e le Auckland Transport i le mae’a ona fono ma pisinisi i le taulaga faapea le asosi o loo tu malosi mo tagata faipisinisi i Karangahape Road.

Ua fai mai ai foi ma le sui o le pulega e toe iloilo lanes nei e faia faapitoa mo pasi pe a tatala le City Rail Link.

Puna o Faamatalaga: Auckland Transport back-track on bus-only lanes welcomed by local businesses | RNZ News