O le Aso Tofi o lenei vaiaso ua faia ai toe sauniga o le afioga i le aloalii Vaai Papu Vaai.
O se tamalii sa avea ma sui faipule o le Palemene o Samoa ae na seei foi i tofi Minisita o le Kapeneta i faigamalo ua mavae.
O lona tuaā ua tuumalo le afioga Vaai Kolone sa avea ma se tasi o Palemia o le Mālō Samoa. O le Aso Lulu o le vaiaso nei na molimoli atu ai i Savaii lona tino maliu mo ona toe sauniga lea o le a faatino i faaaloaloga falemālō poo le State Funeral.
O le a tauave e malu o le Mālō lona sa faapea foi ona ufi i le tagavai poo le fu’a o le Mālō tutoatasi o Samoa. O le taitai o le Malo le afioga le Tamaitai Palemia Fiame Naomi Mataafa o loo auai i ona toe sauniga ma o ia foi o le a tauaao le tagavai o Samoa i le faletua ma le nofosala ma le aiga o le afioga Vaai Papu Vaai.
