Tuai mai meaai mo fanau a’oga ma o lea na toe pisi ai faia’oga ma pulea’oga e faatau meaai.

O lea ua amata le polokalame fou a le malo mo meaai a fanau ma ua toe sui ai le gasesega o meaai ua ofo mai.

Suiga foi nei ua faia uma ai e le Compass Group meaai i le tau e $3 i le meaai e tasi.

Peitai ua amata le suiga fou o le polokalame i nisi o faaletonu, lea sa tatau ona taunuu meaai i le toe kuata i le 11 i le taeao o le Aso Lulu, ae uma ane e taunuu atu ua toe 10 minute ta le itula e 3, poo le taimi e tuua ai le tele o a’oga.

Ripoti a le 1News o loo ta’ua ai na toe pisi ai ma le pulea’oga e oka pizzas, faaalu ai le tusa ma le $1,000 e fafaga ai le tusa ma le 750 fanau a’oga.

E lē tasi se a’oga na aafia ai, ma o le to’atele o lea lava na toe faatau e le a’oga meaai mo fanau a’oga i lea aso.

Ua faatoese le minisita lagolago o a’oga, David Seymour i le mea na tupu, faapea ai ma le pulega o loo gafa ma le gasesega o le silia ma le 127,000 meaai mo fanau a’oga i aso ta’itasi.

Mai ia Seymour, o le a faaleleia mo le aga’i i luma.

Puna o Faamatalaga: Some schools fork out to feed students as new lunches arrive late