Ua pue e leoleo se alii Ausetalia ua lipotia na mafua ai ona toe liliu le vaalele sa agai atu i Perth mai Singapore.

Fai mai lipoti o le faigamalaga lea na agai atu mai le malaevaalele i Singapore agai i Perth ae pe ā ma le 40 minute talu ona alu le malaga ae faailoa ane o loo iai se faamata’u o se pomu i luga o le vaalele.

O loo maua i faamaumauga tau vaalele le taimi na faataaliolio ai le vaalele lea o le Dreamliner 787 i gataifale o Singapore a o lei toe liliu ma toe foi. 

Na tulaueleele saogalemu le vaalele i Singapore ma agai ane ai loa ma le ausuesue.

Na tapunia se vaega o le runway ma faatuai ai nisi o faigamalaga i le Aso Tofi talu ai a o soalaupule le mataupu.

E toalua ni tagata na aveese mai e leoleo mai le vaalele ma e talitonuina o se alii Ausetalia e 30 tausaga na pueina ona o lea mataupu ae o loo faia pea le suesuega a leoleo i le taimi nei.