I le tolu tausaga ua mavae talu ona faatautaia se iloiloga ma se suesuega faaletulafono a le Komisi o le Toe Fuataiga o Tulafono a Samoa i tulafono tau taavaleafi i le atunuu, na iloa ai le manaomia o le toe iloiloina o ia tulafono ona o le tulaga faatupulaia o faalavelave tau taavale i le atunuu.
Ua talia ma faamaonia ai e le Kapeneta se pepa o talanoaga i le mae’a o lea suesuega, ma ua ave ai le faatalauula a le Komisi o le Toe Fuataiga o Tulafono i le lautele o le atunuu e tuuina atu ni o latou finagalo, e fesoasoani i le toe iloiloina o tulafono o taavaleafi a Samoa.
O se galuega ua amata i finagalo faaalia e tuuina atu e faaaoga ai fesootaiga faaonapo nei i upega tafailagi, a o loma ai se aso e faia ai ni faatasiga e faaleo ai finagalo o le atunuu lautele.
