Ua fai ma lesona tāua i le faiaogaulu ma le pulega o le tatou aulakapi o le Manu Samoa, faaletonu na fetaia’i ma a latou tapenaga i le taaloga ma Fiti i le taamilosaga o le Pacific Nations Cup ma ua sauni e feiloai ma Tonga i le faaiuga o lenei vaiaso.

Ua faailoa e le faiaoga le susuga Vaovasamanaia Seiala Maposua i lipoti i le mae’a o le taaloga i le Aso Toonai na tea nei, e tele a’oa’oga lelei e maua i le faia’ina nai lo le manumalo.

E ui i le faaiuga o le taaloga ma Fiti ae ua faailoa e le faiaogaulu o se faaeaea mo ia le avea ma faiaoga o le tatou Manu Samoa.

O ‘ai o le taaloga i le Aso Toonai na tea nei o le ‘afa muamua Fiti 30 Manu Samoa e 5.

O ‘ai o le ‘afa mulimuli Manu Samoa 19 Fiti 33.