O se tala fiafia mo tagata Ueligitone le toe foi ai o faigamalaga a trains i ona taimi masani.
O le asō e toe foi ai malaga a trains i Ueligitone e pei ona faamaonia mai e le KiwiRail.
O lea na muamua fai mai le KiwiRail ua faaleaogaina nisi o malaga ona ua faaletonu se tasi o masini e moomia mo le saogalemu o feoaiga a trains, ma o lea foi na tuu mai ai i le lalo i le 70km le saosaoa faatapulaa.
Peitai o tala ia a le KiwiRail i le vaiaso talu ai, ae fono ma le minisita o femalaga’iga Michael Wood i le Aso Gafua ae faailoa ane ai o le mea moni o le utiuti o le aufaigaluega le mafuaaga.
O lea foi na toe tautino le Pule Sili o le KiwiRail e tusa ma lipoti a le Newshub, o le aufaigaluega faatasi ai ma le faaletonu o le auala lea na mafua ai.
O ananafi na faamaonia mai ai ua toe faaleleia le laina o loo alu agai i Kapiti ma o lea ua toe faafoi i le saosaoa e masani ona feoai ai trains.
O le taeao nei o loo toe feoai ai trains a Ueligitone i taimi o malaga e masani ona iai.
