I le 10 tausaga ua savalia nei talu ona filifilia le tofa Agafili Tomaimano Shem Leo, e avea ma Ofisa Sili o le pulega o le matāgaluega a le Palemia ma le Kapeneta, ma ia tauaveina ai foi le tofiga failautusi o le Kapeneta, o lea ua toe faaauau ona seei lea tamalii i lea tulaga tofi sinia o le malo, ina ua toe filifilia e le Kapeneta mo le isi 3 tausaga.
O le tausaga e 2016 na ulua’i avea ai Agafili ma Ofisa Sili o lea matāgaluega a le malo a o iai le pulegamalo a le vaega faaupufai e puipuia aiātatau a tagata.
O le masina o Mati o le tausaga e 2022 na toe filifilia ai lea tamalii ina ua see atu le faigamalo a le Faatuatua i le Atua Samoa ua Tasi, ma o le mae’a ai o le 3 tausaga o lana konekarate ia Mati o le tausaga nei, o lea ua mae’a le filifiliga e tusa o tulaga masani o le faasalalau o le avanoa, ma ua toe tusi aao le malo i le tofa Agafili Tomaimano Shem Leo.
Ua 18 tausaga o galue o ia i le matāgaluega a le Palemia ma le Kapeneta.