O le alii taalo a le Olopeleki ia David Havili lea ua toe saini lana konekarate e taaalo ai i le ‘au tele a Niu Sila faatasi ai ma le ‘au a le Crusaders seia oo i le faaiuga o le 2025.
O lenei alii na fanau i Nelson ma e iai lona naunautaiga ina ia saga atinae lana taleni i le taaloga lakapi faavaomalo.
E 25 taaloga a Havili na taaalo ai mo le Olopeleki, manumalo o taaloga e 6 mo le Crusaders ma na faamanuiaina foi i NPC Titles o se kapeteni a le Tasman Makos.
Ta’ua e Havili i le Leitio faavaomalo a Niu Sila le lagona fiafia ona o le toe saini ai ma le Olopeleki faapea le Crusaders mo isi tausaga e lua.
E 22 tausaga o Havili ma o loo telē le avanoa e toe faalautele ai lana taleni o le lakapi.
