O tausi soifua ma faatosaga i Niu Sa Uelese o le a faia sa latou tetee e 24 itula i le Aso Lulu o le vaiaso fou Novema 23 ma o le faa fa ai lea o taumafaiga fai faatasi a le setete atoa i le tausaga lenei e finauina ai le mataupu i o latou totogi ma le faaleleia o vaega e faatino ai galuega.
Faailoa e le failautusi aoao o le asosi lea a tausi soifua ma faatosaga, le NSWNMA, Shaye Candish o le latou tetee sa faia ia Fepuari o le tausaga nei talu ona mae’a mai sa matuai gaioi ai sui o le asosi i le faatinoina o le auaunaga i se tulaga maualuga i le tausiga o gasegase ma tulaga masani o galuega e ui i le toaitiiti o le aufaigaluega.
Fai mai sa faataunuu le isi tetee ia Mati ma faia ai loa talanoaga ma le malo i lea taimi peitai lea ua ‘afa le masina o Novema e leai lava nisi suiga ua iai poo se tali foi i o latou manaoga.
Ua fuafua lava e agai ese le aufaigaluega mai o latou tiute i le ta o le 7 i le taeao o le aso 23 o le masina nei seia aulia le 7 le taeao o le aso e sosoo ai.
