O le aso 6 o le masina o Ianuari o lena tausaga fou ua tau lalata mai, e see uma atu ai auaunaga tau soifua mālōlōina i le falema’i faaitumalo i Leulumoega tuai, i le falema’i i Faleolo.
O le aso foi lea e lē toe tatalaina ai le falema’i i Leulumoega tuai ae faaaogā le falema’i i Faleolo mo auaunaga uma tau soifua mālōlōina, ae amata loa galuega o le toe faaleleia o vaega uma o le falema’i faaitumalo i Lulumoega tuai.
Ua faailoa lea fuafuaga e le Faatonu Sili Aoao o le matagaluega o le soifua mālōlōina le susuga Aiono Dr Alec Ekeroma i le auala o fesoota’iga faaonapo nei a le matagaluega, ma ua ia faailoa ai foi o le a toe logo le atunuu i se aso e toe tatala ai lea falema’i faaitumalo e fuafua i le taimi e mae’a ai galuega.
