Ua fesiligia le tulaga faamaoni o suega faafomai mo le itupa o tamaitai, i latou e faamanuiaina talosaga i galuega faavaitaimi e mafua i se tina talavou na tuua le atunuu mo galuega faavaitaimi i Ausetalia ae taunuu atu ma ola ai i lana pepe i lea atunuu.
O se tasi lea o aiaiga taua tele mo tamaitai e tatau ona tuuina atu ao faagasolo tapenaga o le lipoti faafomai e iloa ai o loo lelei atoa le Soifua Maloloina ma iloa ai foi pe e le’o ma’itaga.
Faaalia e se molimau faatuatuaina o le 4 o masina talu ona taunuu lea tamaitai mo galuega faavaitaimi i le tausaga ua mavae ae ola i lona ma’i. O le a toe faafoi mai Samoa le tina talavou ona ua ia solia se tasi o aiaiga sili ona taua mo tamaitai i le polokalame o galuega faavaitaimi.
Ua faaalia e se molimau e ono silasila le Mālō o Ausetalia e faia seisi suiga o lea aiaiga i le toe suesue pe a taunuu e saga faamautinoa ai e le’o ma’itaga.
