Ua faamaonia mai e 8 cases fou o le koviti 19 ua faamauina I Niu Sila nei ma o le toavalu uma oi latou ia o loo I Aukilani.
O le faatonu o le Matagaluega o le Soifua Maloloina, Dr Ashley Bloomfield sa tuuina mai le lipoti aupito lata mai o le koviti I le aso ma ua faamaonia ai o le toafitu mai le toavalu lea o close contacts o tagata na aafia muamua.
O leisi case e tasi ua faamaonia main agai atu I le vaega tigaina o le falemai I Waitakere ma e leai se sootaga i e na aafia muamua ma ua auina atu I le falemai I North Shore ina ua faamaonia le aafia.
Mo le saogalemu ma itu tau puipuiga ua taofia mo le taimi nei le faafaigaluegaina o le aufaigaluega e toalima i le vaega lea ole falemai ao faia suesuega atoa ai ma gasegase e toavalu o loo iai I le falemai sa latalata ane I le vaega na iai le tagata lea o loo faia siaki ma tulaga uma ia mautinoa o loo saogalemu.
O loo tumau pea Aukilani I le vaega 3 o Lapataiga o le vavao ae o loo I le vaega 2 isi faaitu uma o le atunuu.
O le feiloaiga ma tusitala I le aso na iai foi ma le tamaitai palemia, Jacinda Adern ma na ia taua amata atu I le 11.59 I le po ananei o le a faamāmā ai nisi o aiaiga faatatau I le agai ese ma Aukilani ma o le a mafai ai ona faimalaga tagata mai Aukilani I se nofoaga o loo I le vaega lua o lapataiga pe afai o le a aumau tumau ai I lea nofoaga.
