O nisi o tama taaalo a le Wellington Phoenix lea ua faailoa le tuua ai o lea kalapu soka pea a mae’a le A-League a alii o loo faagasolo nei.
O le goal-keeper ia Oli Sail faapea Clayton Lewis ma Steven Ugarkovic ua o latou faailoa atu i le pulega a le Phoenix o lea a le toe saini ni a latou konekarate ma i latou pe a mae’a le taamilosaga o loo faagasolo.
O se faaiuga na faaalia ai le lē fiafia o le Faatonu a le Kalapu ia Shaun Gill ina ua logoina i latou e nei sui taaalo e faapea o loo iai le fuafuaga latou te taaalo mo se isi kalapu i taamilosaga o i luma.
Na faailoa e Shaun o nisi ia o sui taaalo lelei a le ‘au poo key members ma e telē lo latou sao i le tulaga maualuga ua iai le ‘au i le taimi nei.
E ui i le lē fiafia o le faatonu peitai ua tonu manatu o nei sui taaalo e sui se kalapu e taaalo ai i le lumanai.
